ספרי כ"ק אדמו"ר מוהריי"צ נ"ע ספר השיחות תרפ"ח-תרצ"א ספר השיחות — תרפ"ח פורים, תרפ"ח16

16

ברא כרעא דאבוה³⁹, דאָס וואָס עס קען זיין יפה כח הבן איז דאָך דאָס גופא "מכח האב"⁴⁰ מצד די כחות נעלמים פון דעם אב⁴¹. למעלה איז דער משל במכוון ניט שייכות, נאָר למעלה איז דער ענין וואָס עצמות איז נותן מקום אַז נשמות זאָלן אים משיג זיין.

די התחלת החסידות דאַרף זיך אָנהויבן פון עבודה בפועל, זיין אַ עוצם עיניו⁴², ניט קוקן וואו מען דאַרף ניט, אַ אוטם אזניו⁴³ ניט הערן קיין גלייכווערטלעך, אויב ער זעט אַ מדה לא טובה באַ זיך דאַרף ער האָרעווען אויף מתקן זיין דאָס, יעדערער דאַרף זיך גוט קענען און ממילא וועט ער זיך מתקן זיין און דאָס דאַרף אים נוגע זיין עד דכדוכה של נפש, נאָר ער דאַרף באַ זיך ניט זיין אַראָפּגעפאַלן ער דאַרף פון דעם אַליין זיין פריילעך וואָס ער שטייט אין אַ מקום וואָס ער קען נתתקן ווערן.

אַ משגיח אַז ער זעט אין אַ תלמיד אַ מדה לא טובה דאַרף דאָס אים שטאַרק פאַרהאַרן און ניט יוצא זיין מיט אַ זאָג טאָן אים און יוצא, נאָר טאַקע זען אַז דאָס זאָל נתתקן ווערן, נאָר אַז מען דאַרף יענעם מוסר'ן דאַרף מען פריער זיך אַליין מתקן זיין, וואָרום עס איז דאָך כמראות הצובאות כו'⁴⁴ אַז מען זעט עפּעס אַ דבר לא טוב באַ יענעם איז אַ סימן אַז דאָס איז באַ אים פאַראַן בדקות, און אַמאָל נאָך בחומר יותר, דאַרף מען פריער זיך מתקן זיין דעמאָלסט פועל'ט דאָס אויף יענעם אויך.

ודלא כהטועים וואָס זיי מיינען אַז דער עיקר איז דער פאַרשטאַנד די ידיעה, און ווער רעדט נאָך אַז ער ווייס אַ אות אין לקו"ת תו"א און ער ווייס אַז דאָ שטייט אַזוי און דאָ שטייט אַזוי, און ווער רעדט נאָך אַז ער ווייס אַ כתב, איז דאָך גאָר אַ נגע צרעת וואָס מען קען זיך פון אים גאָרניט אַרויסדרייען — איך וויל ניט ריידן באריכות וואָרום עס קען ברענגען צו התרגשות און דאָס איז איבעריק — ער דאַרף וויסן אַז ער איז מכניס צלם בהיכל. חסידות וואָס איז נתגלה געוואָרן לאחר כמה הרפתקאות דורך דעם בעש"ט און דערנאָך דורך תלמידי הבעש"ט און דערנאָך האָט דער רבי גענומען אויף זיינע כתפיו אַריינפירן אין לעבן — און דער איז מבזה חסידות כבוד אבותינו רבותינו הק'.

איך האָב געהערט פון אַלטע חסידים אַז באַ דעם רבי'ן איז דער קאַמער⁴⁵ וואָס פאַר חדר יחידות האָט מען גערופן גן עדן התחתון, און דער חדר פון יחידות גן עדן העליון⁴⁶. אַז מען האָט

הערות

39. עץ חיים שער כג (שער פרק הצלם) פ"א בשם רז"ל. יונת אלם רפ"ב. עמק המלך שער עולם הבריאה פי"ז (קעד, ג). של"ה קנד, א. וראה עירובין ע, ב. תוס' יבמות ג, א (ד"ה מקמי). רש"י כתובות צב, א (ד"ה כבעל). וראה ספר החקירה להצ"צ (מו, א): וכמרגלא בפומי' דאינשי, כי ברא כרעא דאבוהו הוא. ובח"ה [ובחובת הלבבות] שער ג' בהקדמה כי הבן נתח מהאב.
40. שבועות מח, סע"א. וש"נ. וראה סה"מ תרנ"ז ע' רסט ואילך. ד"ה ואברהם זקן תשמ"ו (סה"מ מלוקט ח"א ע' תנג). ועוד.
41. ראה אגרותקודש שבהערה 37.
42. ישעי' לג, טו. וראה לקו"ת ואתחנן ב, ג. קונטרס העבודה פרק ב.
43. ע"פ ישעי' שם.
44. ע"פ ויקהל לח, ח. וראה ספר השיחות תר"פתרפ"ז ע' 83, ובהנסמן שם הערה 2. לקמן ע' 62.
45. חדר.
46. ראה גם לקמן ע' 164. ספר השיחות תרצ"ו — חורף ה'ש"ת ע' 99. וראה שם ע' 1.

עמודים המצטטים את אותם מקורות

הקישור נקבע לפי ציטוטי הגמרא המשותפים בלבד — קישור ביבליוגרפי, לא נושאי. 19 עמודים.