248

נו"⁶⁹, איז דאָך די שלימות פון גדול הוי' פאַרבונדן מיט די שלימות פון עיר אלקינו —

איז דערפאַר כאן המקום צו מעורר זיין נאָכאַמאָל אויף די מבצעים כלליים [נוסף אויף דעם "מבצע אהבת ישראל" וואָס האָט אַ שייכות מיוחדת מיט חברון און מערת המכפלה ווי גערעדט פריער], אָנהויבנדיק פון "מבצע תורה" — וואָס דורכן לימוד התורה בויעט מען אויף (ע"ד שתי אבנים בונות שתי בתים כו'⁷⁰) תושב"כ און תושבע"פ, דעם "עיר אלקינו"⁷¹,

און דערנאָך קומט עס אַרויס אין "מבצע תפילין" און אין "מבצע מזוזה" — וואָס אין זיי (תפילין ומזוזה) זיינען געשריבן פרשיות פון תורה,

און דערנאָך קומט עס אַרויס אין "מבצע צדקה", "מבצע בית מלא ספרים — יבנה וחכמי'",

און אויך אין "מבצע נרות שבת קודש", "מבצע כשרות", "מבצע טהרת המשפחה" — וואָס די דריי מבצעים זיינען שייך זל"ז (כדלקמן סעיף יז),

ביז דאָס קומט אַרויס אין "מבצע חינוך" — וואָס דאָס איז כולל אויך דעם חינוך⁷² (ע"ד חנוכת המשכן וביהמ"ק) פון דער גאַנצער וועלט אַז זי זאָל ווערן אַ דירה לו ית', עס זאָל זיין "ושכנתי בתוכם"⁷³ ע"ד ווי ס'איז געווען אין מקדש — אָנהויבנדיק פון "מקדש המדבר"⁷⁴, און דערנאָך אין מקדש ראשון ומקדש שני, ובקרוב ממש — אינעם מקדש השלישי.

יב. מובן בפשטות, אַז צוזאַמען מיט די צען מבצעים הנ"ל איז מען מחוייב צו מקיים זיין אַלע תרי"ג מצוות. און דאָס וואָס מען רעדט (בעיקר) בנוגע די מבצעים הנ"ל — איז עס מצד דערויף וואָס היות ווי זיי זיינען מצוות כלליות (ווי ערקלערט פיל מאָל) במילא פאַרלייכטערן זיי דעם קיום פון אַלע מצוות

[וע"ד מאמר רז"ל⁷⁵ "בא דוד והעמידן על אחת עשר כו' בא ישעי' והעמידן על שש כו' בא חבקוק והעמידן על אחת כו'", וואָס דער פירוש פון "והעמידן" איז אַז אויף זיי (מצד דערויף וואָס זיי זיינען ענינים כללים⁷⁶) שטייען אַלע תרי"ג מצוות].

ופשוט, אַז עס דאַרף זיין די השתדלות אין אַלע תרי"ג מצוות, ביז אין אַ דקדוק קל של דברי סופרים, און אויך אין אַ מנהג ישראל [וואָס מנהג ישראל תורה הוא⁷⁷],

ביז אַז עס דאַרף זיין די השתדלות אַז אויך די עניני הרשות זאָלן זיין דורכגעדרונגען מיט קדושה — "כל מעשיך יהיו לשם שמים", און "בכל דרכיך דעהו"⁷⁸.

וואָס דאָס איז דער תוכן ההכרזה פון "