256
אין מעזריטש און האָט מסיים געווען, אַז פאַר דער מסירה צו לימוד החסידות האָט ער זוכה געווען צו מגלה ומפרסם זיין דעם דרך פון עבודת החסידות.
ה. בערך צוועלף יאָר האָט הוד כ"ק רבינו הזקן גערעט מאמרי חסידות מיט וועלכע ער האָט מלהיב געווען דעם עדת החסידים צו גלייך די פשוטע אידן אין זייער עבודה פון זאָגן תהלים מיט אַ התלהבות תשוקה צו תורה ומצות און יודעי תורה און גרויסע לומדים.
די אַזוי גערופענע "חדרים" וואָס הוד כ"ק רבינו הזקן האָט מייסד געווען12 האָבן בעזרת השי"ת שטאַרק מצליח געווען ווי עס ווערט וועגן דעם אויספירליך דערציילט אין פערשידענע ערטער אין יומן.
אין יאָר תקנ"ב ווערט הוד כ"ק הרה"ק אדמו"ר האמצעי אַ בן שמונה עשרה שנה און אביו, הוד כ"ק רבינו הזקן, איז אים ממנה אויף דער השגחה און הדרכה פרטית פון די צעירים היושבים — די יונגע לייט זיצער — וואָס האָבן געהאַט אַ רשיון פון רבינו הזקן צו פאַרבלייבן אַ געוויסע צייט אין ליאָזנא צו שוקד זיין אין תורה ועבודה בדרכי החסידות13.
אין יענער צייט14 איז נתפרסם געוואָרען דער ספר "לקוטי אמרים תניא" אין פיעל העתקות בכתב.
ו. ווען עס איז נתפרסם געוואָרען ברבים אַז הוד כ"ק רבינו הזקן האָט אַרויסגעגעבן אַ געשריבענעם ספר העבודה אין סדרי עצות והנהגה בעבודת התפלה והתשובה האָבן חסידים געזוכט צו האָבן אַ העתקה פון דעם ספר.
צוליב זהירות עס זאָל ניט פאַרגרייזט ווערן דער ספר מצד די איבערשרייבער האָבן עדת חסידי חב"ד ממנה געווען געוויסע מעתיקים — שרייבער — בר דעת'ן און מיט ריינע האַנטשריפטן אין די פאַלגענדע שטעטלעך, ליאַדי, האָראָדישטש, רודניא, ליובאַוויטש, דאבראמיסליא, קאלישק, דובראָוונע.
אין אַלע חסידישע ישובים האָבן זיך געפונען הונדערטער חסידים אפילו פון צווישן די לא ידע מאי קאמר'ניקעס וואָס האָבן געזוכט צו האָבן באַ זיך אַ ספר לקוטי אמרים — תניא.
אין אייניגע חדשים איז — דורך די פערשידענע ועידות הרבנים וועלכע זיינען פאָרגעקומען אין וויטעבסק, מינסק און אַנדערע שטעט פון ווייס רוסלאַנד און אוקראַינע — מפורסם געוואָרען אַז עס איז פאַראַן אַ געשריבענער ספר וואָס איז מבאר דעם דרך
הערות
- 12. אודות החדרים — ראה לעיל ע' 235. וש"נ.
- 13. ראה אגרות-קודש ח"ג ע' תעז. ושם, שבשנת תק"ן העמיס אדמו"ר הזקן על בנו אדמו"ר האמצעי את הדרכת האברכים היושבים בליאזנא. וכ"ה בספר השיחות תרצ"וחורף ה'ש"ת ע' 186. וראה שם ע' 8. וש"נ. אגרות-קודש ח"ג ע' תד (הועתק ב"היום יום" ז תמוז). ח"ד ס"ע שב ואילך. חי"ד ע' תלט. הועתק באגרות-קודש כ"ק אדמו"ר שליט"א ח"ה ע' סה ואילך.
- 14. ראה "היום יום" ו אדר שני (ובשינויים קלים — אגרות-קודש ח"ד ע' עדר): "בקיץ תקנ"ב התחיל [אדמו"ר הזקן] לסדר את ספר התניא בצורתו כמו שהוא עתה לפנינו. ובשנת תקנ"ג כבר היו העתקות רבות ממנו, ובמשך הזמן נשתבשו, וגם התחילו לזייפו. ומהאי טעמא נזדרז רבינו למסרו לדפוס. יש נ"א (ראה אגרות-קודש שם ע' רסד): בשנת תקנ"ה כבר הי' התניא צרוף וזקוק, ואז נתן רשות להעתיקו, וכשרבו ההעתקות ונשתבשו מסרו לדפוס". וראה לקמן ע' 264: "בשנת תקמ"ד בערך סידרם רבינו בכתב פיסקא פיסקא". וראה לעיל ע' 198 ובהערה 33.
עמודים המצטטים את אותם מקורות
עמוד זה אינו מצטט גמרא, ולכן אין לו עמודים מקושרים.