235

המשפיע הר' מיכאל ציט זיך צום אמת, זיין השכלה און אופני הביאורים והסברים זיינען ניט אַזוי מבהיל'דיק, נאָר זיינע געגועים און ציען זיך צום אמת מאַכן אַ שטאַרקן רושם אויף די תלמידים.

אויף דעם האָט כ"ק אאמו"ר הרה"ק געענטפערט:

דער אמת ציט זיך צו אים, ווייל אמת ציט זיך נאָר צו דעם וואָס איז אַ כלי צום אמת, כידוע בענין מעלת הכלים דתיקון אַז ניט נאָר וואָס זיי זיינען מכיל דעם אור נאָר זיי זיינען אויך ממשיך דעם אור³⁸. ר' מיכאל ווען ער איז נאָך געווען אַ יונגערמאַן אַ מוליער — עושה תנורים³⁹ — האָט ער שוין געהאַט אַ חוש אין אמת.

טו. החסיד ר' גרשוןדוב מפּאַהאַר איז געווען אַ מחונך פון זיינעם אַ פעטער⁴⁰ דעם אַלטן רבינס אַ חסיד⁴¹, און בנערותו האָט ער געהערט סיפורים און תורהווערטער פון זקני החסידים וואָס האָבן נאָך געדענקט די זמנים פון אַלטן רבין און פלעגען איבערדערציילן געוויסע תורהווערטער און סיפורים וואָס זיי האָבען געהערט פון חסידים הראשונים, תלמידי החדרים, וואָס רבינו הזקן האָט מסדר געווען בתחלת התיסדות שיטת חב"ד⁴², און מהם זיינען געווען וואָס האָבן נאָך געקענט את כ"ק אביו וכ"ק דודו הריי"צ החסידים הנסתרים, תלמידי מורנו הבעש"ט⁴³.

טז. הרג"ד איז איינמאָל געקומען אין ליובאַוויטש און האָט געוואַרט אין פאָדערצימער פון דעם יחידותחדר של הוד כ"ק אאמו"ר הרה"ק אויף אַריינצוגיין אויף יחידות. דערווייל האָט ער זיך אַוועקגעשטעלט לעבן דעם אָרט וואו מען פלעגט אויפהיינגען די אויבערשטע קליידער און האָט זיך פאַרטראַכט. מענדל דער משרת⁴⁴, ניט וויסענדיק ווער דאָס איז און זעהענדיק אַז ער שטייט לעבן די קליידער האָט חושד געווען אַז ער וויל עפּעס צונעמען, האָט ער גענומען רג"ד'ן און האָט עם צוגעפירט צו דער אַרויסגאַנגטיר.

הרג"ד בכה ואמר — על יסוד המובן ומבואר בענין השגחה פרטית אַז יעדער זאַך איז אַ הוראה מלמעלה — פון דעם רבינס פאָדערצימער טרייבט מען מיך אַרויס.

די גאַנצע פּאַסירונג איז דאָך מער ניט ווי אַ נאַרישער טעות פון אַ דאָרפסמענטש. מענדל דער משרת האָט זיך געהאָדעוועט באַ זיין טאַטען דובער דער ישוב'ניק⁴⁵ אין אַ ישוב לעבן חאלאפעניטש — פלך מינסק —, אַ ערליכער מענטש אָבער גאָר אַ קליינער ברדעת.

הרג"ד, לבד זאת שהי' ברדעת גדול בידיעת התורה בנגלה ובחסידות איז ער אויך געווען אַ חכם אין געוועהנליכן לעבן.