233
שמע ישראל, תפלת ערבית, קידוש לבנה, סיפורי מוצאי יום הכפורים, השכמת מחרת יום הכפורים, ההתעסקות בבדיקת הד' מינים, ועבודת הד' ימים שבין יוהכ"פ לסוכות, סוכות ושמחת תורה ועבודת א"ח ומאמר הקדש: איצטער בעדאַרף מען פאַנאַנדערפּעקלען דעם פּעקל סחורה וואָס מען האָט אַריינגעהאַנדעלט אין די ימי המועדים22 און ויעקב23 הלך לדרכו24 אין דער עבודה פון תורה ומצות מיט דעם באַגלייטונג פון דרכי החסידות, און אלקי הוד כ"ק אבותינו רבותינו הקדושים זצוקללה"ה נבג"ם זי"ע זאָל אונז מצליחזיין און עס זאָל זיין אַ שנת ברכה בגשמיות וברוחניות.
ח. (בשעת הסעודה האָט אָנגעהויבען דונערן און בליצן, האָט כ"ק אדמו"ר שליט"א געזאָגט:) גוט אַזוי, עס זיינען זייער צייטיקע קולות וברקים, עס דערמאָנט אויף די אמת'ע קולות וברקים פון בשעת מתןתורה25, וועלכע האָבען אַרויסגערופען ביים עם ישראל דעם ויחרד כל העם25, דער אידישער פשוט'ער עם האָט זיך אַ טרייסל געטאָן.
ט. ר' יוסף מרדכי26 — המשרת של הוד כ"ק אאזמו"ר הצ"צ והוד כ"ק אאזמו"ר מוהר"ש — האָט זייער מורא געהאַט פאַר דונערן און בליצן. אין יאָר תרנ"א שבועות איז געווען אַ גרויסער שטורעם, עס האָט געבליצט און געדונערט, יעדער בליץ האָט געבלענדעט די אויגן, יעדער דונער האָט געקנאלט ווי מען שיסט פון אַ הארמאט27, ר' יוסף מרדכי איז געווען איבערגעשראָקען, עס האָט אים פשוט געטרייסלט הענט און פיס.
י. בשעת מתןתורה, פון דעם ויחרד העם וואָס דער פּראָסטער עם ישראל האָט געציטערט, איז משה פאַרוואונדערט געוואָרן און האָט זיי מקנא געווען.
הוד כ"ק אאמו"ר הרה"ק האָט מבאר געווען28 דעם ענין פון והאיש משה ענו מאד מכל האדם אשר על פני האדמה29, אַז די ענוה פון משה רבינו איז געווען פון דעם אדם שעל פני האדמה, פון דעם פשוטן וועלטמענטשן, אַז משה האָט געזעהען ברוח הקודש אַלע דורות וואָס וועלן זיין אויף דער וועלט עד ביאת המשיח און אַז בעקבות משיחא וועט זיין אַ דור גאָר פשוט'ע אידן און זיי וועלן זיין בעלי מסירות נפש אויף אמונת הוי', האָט דאָס באַ אים גע'פועל'ט אַ טיפע ענוה.
יא. זונטאָג ג' סיון תרנ"ה בין איך געווען אויף יחידות באַ הוד כ"ק אאמו"ר הרה"ק, נאָכדעם ווי ער האָט מיר
הערות
- 22. ראה גם שיחת ליל שמח"ת תש"ז (לעיל ע' 74).
- 23. לשון הכתוב — ויצא לב, ב.
- 24. ראה ספר השיחות תרצ"וחורף ה'ש"ת ע' 43. וש"נ.
- 25. יתרו יט, טז.
- 26. ראה אודותו — ספר השיחות קיץ ה'ש"ת ע' 74. תש"ב ע' 87. תש"ד ע' 12 (הועתק בספר התולדות אדמו"ר מהר"ש ע' 67. 70). לקמן ע' 288. ע' 330. ע' 384. רשימת היומן של רבינו: כ' אייר תרנ"ו (לקמן ע' 419). מיום ג', ה' טבת, תרנ"ב (סה"מ תשי"א ע' 302). רשימת המאסר (ספר השיחות תר"פתרפ"ז ע' 242. ע' 246). רשימת חורף ה'שי"ת לקמן ע' 393. רשימת היומן מיום י"ז מרחשון תרצ"ג ("רשימות" חוברת קלא ע' 3).
- 27. תותח].
- 28. בד"ה ויאמר משה אל העם, יום ב' דחה"ש תרע"ט בסעודה [סה"מ עטר"ת ע' תסד]. — הובא בשיחת כ' כסלו תרצ"ד אות ט [לקו"ד ח"א קי, א.
- 29. בהעלותך יב, ג.
עמודים המצטטים את אותם מקורות
עמוד זה אינו מצטט גמרא, ולכן אין לו עמודים מקושרים.