219
יום שבת קודש, אחרון של פסח בסעודה
א. הוד כ"ק רבינו הזקן זאָגט צו הוד כ"ק בנו אדמו"ר האמצעי, והוד כ"ק נכדו אאזמו"ר הרה"ק צמח צדק אַז ער איז אַ של"ה — תלמיד. ולפעמים הי' אומר: אַ של"ה — איד1.
באַ דעם טאַטן, הצדיק הגאון ר' ברוך — ממשיך הוד כ"ק רבנו הזקן — אין הויז האָב איך געלערנט אהבת ישראל, פון דעם פעטער הצדיק הגאון ר' יוסף יצחק האָב איך געלערנט אהבת התורה, און קומענדיק אין מעזריטש — להרב המגיד ממעזריטש — האָב איך ערשט אָנגעהויבען צו פאַרשטיין דעם תוכן ענין פון אהבת השם און אהבת ישראל2.
אָפּזייענדיג אַ משך זמן ביי דעם רבי'ן אין מעזריטש; איז בזכות מיין מסירה און נתינה פנימיות צו דעם דרך העבודה והנהגה אין אַלע ענינים כהוראת השל"ה, האָב איך זוכה געווען צו דעם קירוב פנימי פון דעם רבי'ן — הרב המגיד — וועלכער האָט מיר איבערגעגעבען די שליחות ווערטער וואָס זיין רבי — מורנו הבעש"ט — האָט איהם געהייסען מיר איבערגעבען. און דאַמאָלסט האָב איך מחליט געווען צו קורא בשם זיין דעם דרך, תורת ועבודת חסידות חב"ד.
הוד כ"ק רבינו הזקן האָט מסדר געווען חסידי חב"ד מיט געוויסע דרכים און הנהגות אין אַלע ענפי החיים; סיי אין פערזענליכען לעבען, און אין לעבען און סדר פון הנהגת הבית ובני בית, און סיי אין לעבען און סדר הנהגת פון זמני שמחה און התועדות.
דער סדר ביי חסידים אין זמני התועדות איז געווען אַז אַלע פלעגן זיך וואַשן צום עסן און מאַכן אַ "המוציא". עסן — דאָס איז אַ ענין פאַר זיך — אַמאָל יע און אַמאָל ניט; אָבער אַ ניגון האָט מען אַלעמאָל געזונגען, און נאָר אַזעלכע ניגונים וועלכע וועקען די אופריכטיגע ביינקעניש און געגועים צו העכער און בעסער, און אַלץ פנימיות'דיק, ניט גענאַרט און ניט געאיילט.
פון מיינע קינדער יאָהרען געדיינק איך, אַז אַמאָל אחרון של פסח נאָך קידוש, אַז מען האָט זיך געדאַרפט וואַשן צו סעודת יום טוב, האָט כ"ק אאמו"ר הרה"ק געזאָגט צו דעם עולם: רחצו הזכו3, רחצו דאַרפן אַלע, הזכו — דאָס ווענדט זיך שוין וואָס מען האָט געטאָן אויף דעם4.
עס איז אַ חובת גברא פון די עלטערע חסידים בכלל און פון די משפיעים בפרט מבאר זיין צו די יונגעלייט, אַז דער עיקר ענין החסידות איז, אַז מען זאָל טאָן אין עבודת התפלה און בירור המדות אַז זיי זאָלען זיין מדות נעימות.
עס טרעפט כמה טעותים אין עניני עבודה, די טעותים זיינען פאַרשידענע, גרעסערע טעותים קלענערע טעותים, אָבער סוף כל סוף קומט מען אויף די ריכטיגע עניני עבודה.
מיט איבער פערציג יאָהר פריער האָט כ"ק אאמו"ר הרה"ק געזאָגט בסעודת אחש"פ: אַז מען עפענט די עיני השכל און מען בעטראַכט דעם אייגענעם
הערות
- 1. ראה שיחת פורים תש"ז (לעיל ע' 99). וש"נ.
- 2. ראה גם שיחת ועש"ק י"ג אלול תש"ז (לעיל ע' 149).
- 3. ע"פ ישעי' א, טז.
- 4. בהנחה אחרת: אח"כ צוה כ"ק אדמו"ר שליט"א לכל העומדים סביב השולחן שירחצו נט"י להסעודה.
עמודים המצטטים את אותם מקורות
עמוד זה אינו מצטט גמרא, ולכן אין לו עמודים מקושרים.