218
ג. די עלטערע תלמידי התמימים יחי' געדיינקען די סדרי ההנהגה פון ליובאַוויטש בכלל און די סדרי הנהגת ישיבת תומכי-תמימים בפרט.
אחרון של פסח פלעגט מען גרייטן טישן אין גרויסן זאַל באולם הגדול של הישיבה7, פאַר אַלע תלמידי הישיבה8, און הוד כ"ק אאמו"ר הרה"ק, מיט זיינע ברידער דודי הרז"א והרמ"מ9, ואורחים פלעגען קומען צו דער סעודה. הוד כ"ק אאמו"ר הרה"ק פלעגט זאָגען אַ מאמר דא"ח10 און רעדן צו די תמימים בעניני עבודה. באַ דער סעודה אין זאַל פון תומכי-תמימים איז געווען אַ סדר מסודר און יעדע גרופּע פון די תלמידים זיינען געשטאַנען במקומם הראוי לויט די הוראה פון זייערע מנהלים און משגיחים11.
ד. הוד כ"ק אאמו"ר הרה"ק האָט אין די ערשטע יאָרן געגעסן אחש"פ מצה פשוטה12, נאָר נאָכדעם ווי עס איז געוואָרן אַ חשש מצד די נאמנות הכשרות13 האָט מען אָנגעהויבן נוצן נאָר מצה שמורה אפי' אחש"פ אויך.
די זהירות פון ניט עסן קיין צוקער אין חג הפסח האָט זיך ביי הוד כ"ק אאמו"ר הרה"ק אָנגעהויבן פון אַ חשש גדר נדר14.
הערות
- 7. בהנחה אחרת: פון יאָהר תרס"ו איז געוואָרן אַ סדר אין ליובאַוויטש, אַז מען האָט אחש"פ געגרייט אַ סעודה.
- 8. ראה ספר השיחות תרצ"וחורף ה'ש"ת ע' 277 (הועתק ב"היום יום" כב ניסן). תש"א ע' 105104. תש"ד ע' 111. וברשימת היומן — חג הפסח תרצ"ב ("רשימות" חוברת לח ע' 5): "כ"ק אדנ"ע הי' יוצא לסעודה זו [של יום אחש"פ] 5 4 אחר חצות היום".
- 9. בהנחה אחרת: אויב זיי זיינען געווען אין ליובאַוויטש.
- 10. בהנחה אחרת: ביי דעם סוף פון די סעודה פלעגט הוד כ"ק אאמו"ר הרה"ק זאָגען אַ מאמר דא"ח בערך אַ האַלבע שעה; ער פלעגט מקצר זיין מפני כבוד אחיו הרז"א. — ראה גם רשימת היומן — חג הפסח תרצ"ב ("רשימות" שם): "בסעודת יום אחרון של פסח אומר ג"כ דא"ח, אבל מאמר קצר, 1520 מינוט".
- 11. בהנחה אחרת: עס איז געווען אַ בעזונדער סדר אין דעם דערנענטערן זיך פון די בחורים תלמידי תומכיתמימים צו דעם אָרט וואו עס איז געזעסען הוד כ"ק אאמו"ר הרה"ק בעת ער האָט געזאָגט חסידות, וואָס איז געווען איינגעטיילט לויט דעם סדר השולחנות, שולחן א', נאָכדעם שולחן ב'.
- 12. ראה גם רשימת היומן — חג הפסח תרצ"ה ("רשימות" חוברת צ ע' 8). ספר השיחות תרצ"וחורף ה'ש"ת ע' 135. ע' 236. קיץ ה'ש"ת ע' 71. תש"ב ע' 105.
- 13. בהנחה אחרת: נאָכדעם ווי עס איז געקומען אַ נייער מילנער אין די וואַסער מיהל אין ליובאַוויטש, פון וואַנען מען האָט גענומען די מעל אויף פסח, וועלכער איז ניט געווען אַזאַ נאמן — האָט מען אָנגעהויבן נוצן מצה שמורה אויף אחש"פ אויך. — ראה מקומות שצויינו בהערה הקודמת.
- 14. בהנחה אחרת: אויף אַ פאַבריק פון צוקער אין יאנאפאל — וואָס האָט געהערט צו משפחת האָרינשטיין — האָט ער זיך ניט געוואָלט פאַרלאָזן. — ראה המלוקט בספר אוצר מנהגי חב"ד — חודש ניסן ע' נא ואילך.
עמודים המצטטים את אותם מקורות
עמוד זה אינו מצטט גמרא, ולכן אין לו עמודים מקושרים.