212

אט דעם כח האָט הוד כ"ק רבינו הזקן מנחיל געווען לזרעו אחריו און לעדת החסידים עד ביאת משיח צדקנו בב"א אַז מען זאָל מהפך זיין מחשך לאור, ניט נאָר דוחה זיין דעם חשך נאָר מהפך זיין דעם חשך לאור.

עד כאן איז דברי קדש הקדשים וואָס הוד כ"ק אאמו"ר הרה"ק האָט דאַן געזאָגט.

יעדער ספור און יעדער דבור וואָס הוד כ"ק אאמו"ר הרה"ק פלעגט זאָגן, הן ברבים והן ביחידות, איז אַ פנס אור — אַ ליכט שטראַל — דורך וועלכן מען זעט דעם דרך האמיתי און איז אַ סיוע צו גיין אין דעם דאָזיקען דרך בהצלחה.

אידן בכלל, בני תורה בפרט, און די עוסקים בעבודה פנימית בפרטי פרטיות; איז אויף זיי אַ חוב צו טאָן אָט די זאַך פון התעסקות אין עבודה.

דער טאָן אין חסידות, איז ניט ווי די וואָס מיינען און פיהלען מיט זייער גס הרוחטיפש'דיקען שכל אַז זיי זיינען משכילים אין השכלה והשגה פון חסידות און דאָס הייסט באַ זיי השכלה, אָבער באמת הייסט השכלה ווען מען איז אַ עובד באריכות התפלה, און דאָס דורכפירן אין עבודה בפועל דעם בירור המדות אַז די מדות טובות און מדות נעימות¹⁹.

אין חסידות חב"ד איז מבואר באריכות אַלע עניני עבודה אין תיקון ובירור המדות. ניט נאָר ווי צו דוחה זיין די מדות רעות און מדות לא טובות נאָר אויך ווי צו איבעראַרבעטען פסולת'דיקע מדות אויף מדות טובות ונעימות.

תורת החסידות און די הנהגה בדרכי החסידות ובמדות החסידות זיינען ניט מוגבל, ניט אין הגבלה פון זמן און ניט אין הגבלה פון מקום.

עס איז שוין פיל מאָל דערמאָנט און דערקלערט געוואָרן אַז — געלויבט השי"ת — אין דעם קורצען משך זמן פון די פאַרגאַנגענע זעקסזיבען יאָר איז, דורך פאַרשידענע צופאַלן, קלאָר געוואָרן, בעזרת השי"ת, ווי פאַלש און איינגערעדט איז דער אַלטער קאַלט פאַרפראָרענער וואָרט "אַמעריקע איז אַנדערש"²⁰.

געלויבט השי"ת, די בעלי מסירת נפש, די שומרי שבת פעדלער, האָבן מנצח געווען אַז אין געוויסע ערטער און זמנים האָבן זיי, בעזרתו ית' צובראָכן דעם כפירה אייז.

אחינו בני ובנות ישראל, ה' עליהם יחיו²¹, אַמעריקאַנער געבאָרענע, האָבן אַ געבירטליכע חאַראַקטער מעלה ווי אויך אַ געבירטליכן חאַראַקטער חסרון.

די מעלה איז וואָס מען ווערט גיך נתעורר, און דער חסרון איז וואָס מען ווערט גלייך אָפּגעקילט²².

אַלע ווייסן זיכער דעם עבודה באָמבע אויפרייס וואָרט וואָס הוד כ"ק אאמו"ר הרה"ק האָט געזאָגט: "מען לערנט חסידות, מען וויל פאַרשטיין און מען פאַרשטייט טאַקע גאַנץ גוט אַ ענין אין חסידות, אָבער אין עבודת התפלה הינקט מען שטאַרק".