192

נשמתי לעלמא דין, האָב איך מוסיף געווען אין דער אגרת פותחין בברכה דעם טייל "ועתה הפעם כו' נא ונא. אך בשבתות כו' וכגון דא כו' ואין טוב אלא תורה וכו'".

* * *

באַ פאַרשידענע זמני התוועדות האָבען מיר זוכה געווען צו הערען פון הוד אאמו"ר הרה"ק דאָס וואָס הוד כ"ק אביו אאזמו"ר הרה"ק מוהר"ש האָט אים געזאָגט בשם הוד כ"ק אביו הרה"ק צמח צדק, אַז יעדע אגרת פון הוד כ"ק רבינו הזקן האָט אַ געוויסע דברי הימים, ביי וואָס פאַר אַ מצב כללי ופרטי האָט הוד כ"ק רבינו הזקן געשריבען די אגרת.

הוד כ"ק אאמו"ר הרה"ק האָט דערציילט וואָס הוד כ"ק אביו אאזמו"ר הרה"ק האָט אים דערציילט וואָס ער האָט געהערט פון זקני החסידים הראשונים, ובתוכם אויך עטלעכע זקנים וואָס האָבען זוכה געווען צו קענען מורינו הבעש"ט אין דער התחלת ההתגלות (עס ווערט דערציילט אין אַן אַנדער אָרט בפרטיות¹⁰ די שנות חיי העלם והסתר פון מורינו הבעש"ט ביז עס איז געקומען די גליקליכע הייליגע התגלות צייט). — אויך הצדיקים הגאונים ר' ברוך וגיסו ר' יוסף יצחק זיינען ביידע געווען תלמידים מובהקים ביי מורינו הבעש"ט, ווי עס ווערט דערציילט בארוכה אין אַ אַנדער אָרט¹¹ — די פרטי ענינים וואָס מורינו הבעש"ט האָט איבערגעגעבען דעם סדר ההנהגה ווי כ"ק תלמידיו הגאונים הצדיקים און תלמידו הקדוש הרב המגיד ממעזריטש זאָלען זיך מתנהג זיין עם כ"ק רבינו הזקן¹².

די זקני החסידים האָבען פיעל געהערט פון מורינו הבעש"ט און פון הרב המגיד ממעזריטש וועגען הפלאת מעלת רוממות אצילות נשמת הוד כ"ק רבינו הזקן, און וועגען דער שליחות וואָס מען האָט מלמעלה איבערגעגעבען זיין נשמה להחיות נשמות ישראל בחיות פנימי דתורה ועבודה, און די אחריות גדולה בשגיאת ההדרכה; ולעומתה ההצלחה המופלגת כאשר יתגבר במסירת נפש על מילוי השליחות, אשר יזכה כי אור קדושתו יאיר באור פנימי לכל ישראל לדורותיהם מיט אַ חיות פנימי להחיות, אַליין לעבן און אויך באַלעבען דעם צווייטען מיט אַ רגש פנימי, עד ביאת גואל צדק.

* * *

דער כלל הידוע אַז גדולה שמושה יותר מלימודה¹³ הוא יסוד היסודות ועמוד העבודה בדרכי החיים בחיי האדם הישר הולך בכלל ובחיי חסידי חב"ד בפרט ובדרכי החנוך של בית רבינו לדורותיהם בפרטי פרטיות.

הוד כ"ק אאמו"ר הרה"ק האָט געזאָגט ביי איינער פון די ועידות שמחת הבר מצוה שלי — תרנ"ג¹⁴ — אַז הוד כ"ק אביו אאזמו"ר הרה"ק מוהר"ש האָט גע