137
מחונך פון החסיד הנודע ר' מיכעל'ע אַפּאָצקער9.
אין מיינע זכרונות (פון יאָהר תרנ"דנ"ו) איז פאַרצייכענט סיפורי מורי הרשב"ץ וועגען תולדתו וחינוכו. אין זיינע קינדער יאָהרען איז מורי רשב"ץ געבליבען אַ יתום פון זיין פאָטער, אַ מתנגד'ישער גרויסער למדן און גרויסער מחדש אין תורה, איינער פון די וויכטיגסטע ראשי ישיבות אין זיין צייט.
זיין מוטער, אַ מיוחסת פון איהר פאָטער'ס צד פון די ווילנער מתנגד'ישע גדולי היחוס, און בזיווג שני האָט זי געהייראַט איינעם פון די בעלי יחס בעדת המתנגדים. גליקליכערווייזע איז ער — רשב"ץ — נושא חן באַ איינעם פון עדת החסידים אין שווינצאַן — עיירה בפלך ווילנא — און ווערט אָנגענומען אין דער שווינצאַנער עדת החסידים.
די עדת החסידים אין שווינצאַן האָט זיך שטאַרק פאַראינטרעסירט מיט זיין חינוך און מען האָט איהם פאַרזאָרגט מיט אַלעס וואָס ער האָט נויטיג געהאַט, אום ער זאָל קענען במנוחה זיך איבערגעבען צו שקידה אין לימוד הגמרא ופוסקים און אין לימוד החסידות. אין אַ צייט אַרום האָבען די זקני חסידי חב"ד אין שווינצאַן ובראשם ר' יצחק חייט10 מחליט געווען, אַז מען זאָל איהם — רשב"ץ — אָפּשיקען לערנען צו החסיד הישיש ר' מיכל אַפּאָצקער, אַ גרויסער מתמיד און אַ זעלטענער עמקן.
ווען רשב"ץ איז אָנגעקומען אין אַפּאָצק איז החסיד ר' מיכל שוין געווען אַ זקן מופלג. רשב"ץ האָט נושא חן געווען באַ איהם און ער האָט איהם שטאַרק מקרב געווען און זיך אָפּגעגעבען מיט זיין חינוך בדרכי החסידות.
איינמאָל האָט הרמ"א געזאָגט צו זיין תלמיד ותיק רשב"ץ, מיט אַ שטאַרקער אינערלעכע פאַרביטערקייט:
הער, שמואל בצלאל, דו ווייסט ניט, דו ביסט נאָך יונג צו פאַרשטעהן און ווער רעדט פיהלען דיין רחמנות און דעם גרויסען טעות וואָס דו מאַכסט, מיינענדיג, אַז מיר זקנים זיינען חסידים. מיר האָבען געזעהן חסידים און מיר ווייסען דעם ביטערען אמת. מיר זיינען דאָך גאָרניט, דאָרניצעס — עצים יבשים. אַמאָליגע חסידים האָבען געהאַט אַ געפיהל.
ווען מורי הרשב"ץ האָט דערציילט דעם סיפור באַ אַ פאַרבריינגען, האָבען די חסידים ר' חנוך הענדיל11, ר' אבא צאַשניקער12 און ר' שמואל ברוך13 — געזאָגט: ואנן מה נעני אבתרי', מיר האָבען גאָר ניט קיין נעמען, ווי מיר זאָלען זיך אָנרופען.
ענטפערט זיי רשב"ץ, מיט זיין געלאַסענער און רוהיגער שפת חלקות: איר ווייסט געוויס אויך ווי מען בעדאַרף
הערות
- 9. ראה אודותו — "התמים" חוברת א ע' עד [לח, ב] ואילך. ספר השיחות תש"א ע' 96 ואילך. לעיל ע' 29. "רשימות" סיוןמנ"א תרצ"ב (חוב' קכב ע' 8). ש"ק קדושים ר"ח אייר תרצ"ה (חוב' קמג ע' 7)].
- 10. ר' יצחק חייט: זע וועגען עם: קובץ "התמים" חוברת ח פון ע' צב.
- 11. ר' חנוך הענדיל: זע וועגען עם: "התמים" חוברת א ע' עט. ס' השיחות קיץ ה'ש"ת ע' 43, 85 א. א [וראה גם לעיל ע' 17.
- 12. ראה אודותו לעיל ע' 89.
- 13. ראה אודותו לעיל ע' 109. וש"נ].
עמודים המצטטים את אותם מקורות
עמוד זה אינו מצטט גמרא, ולכן אין לו עמודים מקושרים.