ו'שצז

ו' שצז

[כ"ג תמוז, תרצ"ה]

אל ⁵³⁶ מרת טשערניאק ⁵³⁷ תי'

אייער בריף האָב איך ערהטלטין, וי איך האָב זעך די לעצטע צייט דערוואוסט, איז די קריינקייט ואָס אייער מוטער ⁵³⁸ זאָהל לעבין – דער אויבערשטער זאָהל איר צושיקין אַ היילונג – ליידעט, איז דאָס ניט ד"ר גערזאן'ס ספעציאַלנסט, אין פאַריז בעדאַרף זאיין אַ ד"ר דינקין ⁵³⁹ – ער איז גיקומען פון ברלין, מאיינער א גוטער בעקאָנטער, זייער אַ גוטער ד"ר אונד מענטש – זאיין אַדרעס וייס איך ניט, איך שרייב צו מאיין פריינד הער ריינין ⁵⁴⁰ , אַז ער זאָהל אייך צוויסין געבין טעלעפאָניש אָדער בריפליך דעם אַדרעס פון ד"ר דינקין, און ועהן איהר ועט האָבין דעם אַדרעס ועט איהר זעך זעהען מיט ד"ר דינקין, איינלאַדין אים און בעראַטען זעך מיט אים.

אין אונזער הייליגע תורה תלמוד שטייט ⁵⁴¹ גישריבין אַז די רפואה שיקט צו דער אייבערשטער גיבענטשט איז ער, דורך דעם דקטור און דורך דער מעדיצין, בעטין די רפואה, בעדארפמען בעטין באַ דעם אייבערשטין – גיבענטשט איז ער, און מי דאַרפין בענוצין דקטֹרים און מעדיצין.

דער אייבערשטער, גיבענטשט איז ער, זאָהל אין גיכין צו שיקין אַ גוטע היילונג אייער מוטער זאָהל לעבין, און זאהל אייך בעגליקין אין אלעס ואָס איהר האָט נייטיג.

געויס ועט איהר מיר שרייבין ואָס אייער מוטער זאהל לעבין מאכט, און ועגין ד"ר דינקין, מיך אינטערעסירט ויסין אייער פינאַסיעלע צושטאַנד צי האָט איהר אייער בעדערפניש, דער אייבערשטער זאָהל אייך בעגליקן.

המברכם.