387
ועוד נקודה בדבר: שבת איז מעין100 דעם "יום שכולו שבת ומנוחה לחיי העולמים"101. ועאכו"כ יוהכ"פ שחל להיות בשבת, וואָס אויך יוהכ"פ איז מעין דער גילוי דלע"ל102. פאַרשטאַרקט דאָס נאָכמער די עבודה איצטער מעין וטעימה פון דעם גילוי וסעודה דלע"ל ווען מ'וועט האָבן די שלימות החיבור פון מעלת הגשמיות ומעלת הרוחניות — די סעודה פון לויתן שור הבור, בגשמיות וברוחניות גם יחד, כנ"ל.
ובכל זה קומט צו נאָכמער בשנה זו, ה'תנש"א, ר"ת הי' תהא שנת אראנו נפלאות103, וועלכע קומט נאָך שנת ה'תש"נ, ר"ת הי' תהא שנת נסים, ולאחרי שנת תשמ"ט ידיך, ושנת תשמ"ח, תשמח (תי"ו בחיריק) און תשמח (תי"ו בשוא), וועלכע איז אויך געווען אַ שנת הקהל, "הקהל את העם האנשים הנשים והטף"104, און מ'הערט די קריאה בתורה פון דעם מלך, "כאילו. . מפי הגבורה שומעה"105, ע"ד "ואני אברכם", "מפי גבורה" (כנ"ל ס"ג).
ט. ויש לקשר זה [די המשכה מלמעלה מעלה, ביז פון עצמותו ית', אין גאַנץ סדר השתלשלות ביז למטה מטה אין דעם יש הגשמי] אויך מיט דעם קאַפּיטל תהלים פון שנה זו — מזמור פ"ט:
"משכיל לאיתן האזרחי" באַווייזט אויף דער המשכה וגילוי פון בחי' איתן שבנשמה — דער עצם הנשמה וועלכער איז אַ "חלק אלוקה ממעל ממש"106, פאַרבונדן מיט עצמותו ית' [מיט די ג' פירושים אין "איתן": האַרט, שטאַרק און אַלט107], באופן אַז דאָס איז מזריח, באַלייכט און שיינט אַריין אין אַלע כחות וחושים,
ווי די תורה פון דעם אַלטן רבי'ן בזה108, פאַרבונדן אויך מיט דער תורה ופירוש אין דעם פסוק פון109 דעם בעש"ט און פון דעם מגיד,
און דערנאָך ווי די נקודות ווערן נתבאר דורך דעם מיטעלן רבי'ן אין אַן אופן פון "רחובות הנהר"110, כולל — די הרחבה פון דער נקודה פון "איתן" ווי דאָס שטייט באַ דעם בעש"ט, מגיד און דעם אַלטן רבי'ן,
הערות
- 100. ראה המשך תרס"ו שם. המשך תער"ב ח"ב ע' א'קכז. ועוד.
- 101. תמיד בסופה.
- 102. ראה המשך תרס"ו שם.
- 103. לשון הכתוב — מיכה ז, טו.
- 104. וילך לא, יב.
- 105. רמב"ם סוף הלכות חגיגה.
- 106. תניא רפ"ב.
- 107. ד"ה וייצר תרפ"ה (תש"ח) — ע' ס ואילך (סה"מ תש"ח ע' 61 ואילך).
- 108. קונטרס לימוד החסידות ע' 5 ואילך.
- 109. תורות ופירושי כל רבותינו נשיאינו בפסוק זה — נעתקו ב"קובץ י"א ניסן שנת הפ"ט" (קה"ת תש"נ).
- 110. ראה לקו"ש חכ"ה ע' 349. וש"נ.
עמודים המצטטים את אותם מקורות
עמוד זה אינו מצטט גמרא, ולכן אין לו עמודים מקושרים.